QMQ Organization ta kla pa instalá su partisipantenan pa e sertámen di Miss Teenage Globe Curaçao 2023

Willemstad – Queen Making Queens Organization dirigí pa e èks Miss Kòrsou, sra.
Ayanette Statia ta kla pa presentá e di dos edishon di e sertámen Miss Teenage Globe
Curaçao 2023. Pueblo di Kòrsou ta keda invitá pa djaweps awor 6 aprel 2023 durante e
dushi ambiente di Punda Vibes riba plaza Wilhelmina bin sera konosí ku e
partisipantenan ku lo keda presentá na prensa i instalá ofisialmente komo kantidata pa
e sertámen di Miss Teeenage Globe Curaçao 2023.
Parke Wilhelmina lo keda transformá den un área di musiká i pasarela. Tur esaki, pa
risibí nos beyesa nan lokal. Mas ku klaro QMQ ta yama un danki di kurason na
Downtown Mangement Organization pe bunita oportunidat i pèrmití nos organisashon
organisá e evento speshial aki pa tur hóben di Kòrsou.
Komo ta temporada di vakashon, QMQ ke brinda en especial nos hobennan un evento
gratis i ta regala pueblo di Korsou engeneral for di 18.30, animashon di Dj Krokzz, ku lo
kompaña nos partisipantenan di Miss Teenage Globe.
E hóben beyesa nan ya pa algun dia ta den preparashon pa e anochi di instalashon.
Algun di e preparashonnan ya risibí ta, pasarela, kon pa papia den un públiko,
kuido/prepashon di imagen. Tambe nan tabatin nan promé sekshon ofisial di potrèt ku
tambe lo wòrdu publiká djaweps awor 6 aprel 2023 i ku por kuminsa vota mesora pa
wak ken ta gana e titulo di Miss Internèt 2023 durante e anochi final.
Pa vota djaweps awor, mester zorg pa “like” I “follow” e paginanan di QMQ
Organization, share e potrèt di bo partisipante faborito I “like” e potrèt.
E anochi aki, QMQ organization lo duna tur informashonnan interesante rondo di e
sertámen final i fechanan importante.
QMQ su tim, huntu ku su spònsernan i nos partisipantenan ta warda pueblo di Kòrsou
riba Parke Wilhelmina.