MINISTER COOPER PRESENTE NA KUMBRE MINISTERIAL DI UNITED STATES POSTAL SERVICE

Willemstad – Minister di Tráfiko, Transporte i Planifikashon Urbano Charles Cooper a keda invitá, i ta presenta pa United States Postal Service su kumbre ministerial na Florida, Miami. E kumbre ministerial aki ta organisá pa Caribbean Postal Union (CPU).

 

CPU ta un asosashon di 31 miembro ku ta e diferente pòstkantor den Karibe. CPU su mishon ta pa monitoriá e desaroyo i modernisahon di pòst di e diferente miembronan, i proponé solushon kaminda ta nesesario.

 

Durante di e tres dianan di e kumbra, ministernan di Karibe responsabel pa pòst ta deliberá kon pa kontrarestá e redukshon global di pòst konvenshonal.

 

Temanan manera transporte, kalidat, digitalisashon di post i e-commerce lo keda diskutí pa asina presentá posibel rekomendashon pa e servisio postal por sobreviví.