NOS SELEKSHON NASHONAL FEMENINO U-20 LO PARTISIPÁ NA E CONCACAF UNDER 20 CHAMPIONSHIP KU LO TUMA LUGÁ DI 14 PA 22 DI APREL 2023 AKI NA KÒRSOU!
Manera nos a avisá algun luna pasá, den luna di aprel 2023 lo tuma lugá e partidonan di kualifikashon pa e 2023 CONCACAF Women’s Under-20 Championship. Awor ku nos a drenta luna di aprel e ora 0 ta aserkando. E siguiente selekshon ku lo representá Kòrsou den e kampionato aki lo ta nos selekshon nashonal femenino kategoria U-20, ku tin vários siman den preparashon pa duna un bon presentashon durante e kampionato aki.
E CONCACAF Women’s Under-20 Championship lo tuma lugá di 14 pa 22 di aprel 2023 i ta konta ku partisipashon di un total di 27 pais den Karibe i Nort Amerika. E paisnan aki a keda repartí den 6 pul di 5 òf 4 pais.
Nos selekshon a kai den pul B ku ta konsistí di e siguiente paisnan; Haiti, Bahamas, St. Maarten, Panama i Kòrsou mas ku klaro. Pul B i huntu ku pul D ta tuma lugá aki na Kòrsou.
E skema di pul B ta lo siguiente;
Fecha | Orario | Tim di kas | Bishitante | Stadion | |
1 | 14-4-2023 | 3:00 PM | Haiti | Bahamas |
Rignaal ‘Jean’ Francisca |
2 | 6:00 PM | Panama | Kòrsou | ||
3 | 16-4-2023 | 3:00 PM | Bahamas | Panama | |
4 | 6:00 PM | St. Maarten | Haiti | ||
5 | 18-4-2023 | 3:00 PM | Panama | St. Maarten | |
6 | 6:00 PM | Bahamas | Kòrsou | ||
7 | 20-4-2023 | 3:00 PM | St. Maarten | Bahamas | |
8 | 6:00 PM | Kòrsou | Haiti | ||
9 | 22-4-2023 | 3:00 PM | Haiti | Panama | |
10 | 6:00 PM | Kòrsou | St. Maarten |
Entrada pa e partidonan aki ta kosta fl. 5,- pa tur hende i ta disponibel for di 2’or di mèrdia na e lokètnan di Stadion Rignaal ‘Jean’ Francisca riba dia di wega.
Preparashonnan ta kontinuá pa nos selekshon femenino kategoria U-20 saka nos kara durante nos partidonan di e 2023 CONCACAF Women’s Under-20 Championship ku ta tuma lugá aki na kas.
Keda pendiente pa mas informashon…
4 aprel 2023