Trabou di e funshonario di keho serka ZJCN
Trabou na midí serka kada keho
Kon un dia di trabou di e funshonario di keho serka ZJCN ta mustra? E funshonario di keho ta trata tur keho ku ta drenta. Mas tantu, ta trata di formulario di keho i di e-mail. Kada keho ta diferente. Serka kada keho, e funshonario di keho ta wak si tin un solushon. Tin bia e ta referí un hende.
Tin tur sorto di keho ta drenta. Por ehèmpel, tokante:
• Esun ku ta ofresé kuido (manera un dòkter)
• E kompensashon di estadia ora ta trata di un traslado médiko
• E hotèl ora ta trata di un traslado médiko
• E biahe pa un hospital den region
• Listanan di espera den hospital
• Warda riba medionan di sosten médiko
• E proseso serka Jeugdzorg
E funshonario di keho ta reakshoná por eskrito riba kada keho. Pero tin bia, e ta drenta den kòmbersashon ku e asegurado tambe. Por ehèmpel, ora e asegurado tin hopi pregunta. E ta purba splika kiko e reglanan legal ta.
E funshonario di keho semper ta purba yuda mas tantu posibel. E ta averiguá tur kos. Tin hopi lei i regulashon. Palabrashonnan fiho tokante kiko por i kiko no por. E funshonario di keho mester ten’e na e leinan aki, pero ta hasi tur loke ta posibel denter di e kuadronan legal.
