KOMUNIKADO DI PRENSA 168/2023.
8 aprel 2023.

Detenshon relashoná ku ladronisia di vehíkulo.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Kontinuando ku un investigashon relashoná ku un kaso di ladronisia di vehíkulo ku a tuma
lugá dia 25 di mart 2023 for di un kura di kas den área di Kanga, polis a hasi un detenshon
mas.
Djasabra 8 aprel 2023 alrededor di 08.05’or di mainta, personal di tim ku ta investigá
ladronisia di vehíkulo a hasi detenshon di e hòmber sospechoso:
 G.A.L.J., nasé na Kòrsou di 25 aña di edat.
Detenshon di e sospechoso a tuma lugá na su kas den área di St. Catharina.
A presentá e sospechoso dilanti un fiskal ouksiliar ku despues di interogashon a ordená su
enkarselamentu pendiente di mas investigashon.