Hopi asistensia pa inkumplimentu ku medidanan Covid-19.

KOMUNIKADO DI PRENSA 177 / 2020
26 aprel 2020
Hopi asistensia pa inkumplimentu ku medidanan Covid-19.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djasabra 25 di aprel 2020 den oranan despues di mèrdia pa anochi, polis mester a atendé
ku hopi kaso na unda siudadanonan no tabata kumpli debidamente ku medidanan
relashoná ku Covid-19.
Tabatin diferente negoshi, bou di kua toko i minimarket, ku no a sera na e orario stipulá.
Diferente di e establesimentunan aki tampoko no tabata tene kuenta ku reglanan di higiena
i distansia sosial.
Riba kaya na diferente sitio tabatin aglomerashon di hende, adrèsnan unda tabatin
enkuentronan sosial i tambe vèltnan di bala unda hóbennan tabata sea subi fli òf praktiká
deporte.
Tabatin diferente vehíkulo moviendo riba kaya, sin ku tabata tene kuenta ku ‘plachi di dia”.
E komportashon den oranan di djasabra atardi i anochi a laga di deseá i Kuerpo Polisial ta
spera ku esaki lo no ripití.
Polis ta bolbe hasi un súplika na tur siudadano pa mantené nan mes na e reglanan ku ta na
vigor i koperá pa evitá kontaminashon di e vírus di Corona.
Mas nos tur kuida, mas lihé nos por pasa over di e situashon aki.