Minister Ruisandro Cijntje Resientemente por a kuminsa mira instalashon di e stèntnan nobo i modèrno den e área entre Renaissance Hotel i Megapier.

Resientemente por a kuminsa mira instalashon di e stèntnan nobo i modèrno den e área entre Renaissance Hotel i Megapier. Esaki ta bai bira un Souvenirs Zone kaminda turistanan di barkunan krusero i stayover por kumpra souvenir i otro produktonan lokal. CTB ta enkargá ku e proyekto aki bou di kordinashon di mi ministerio i den koperashon estrecho ku Ministerio di Tráfiko, Transporte i Planifikashon Urbano, anto huntu ku Renaissance Hotel. Fundashon Marshe lo ta esun enkargá ku mantenshon di e stènt i tambe ku dunamentu di guia na e bendedónan pa asina sigurá ku tantu e ambiente komo loke ta wòrdu ofresé ta representá nos pais. Esaki ta un dje manera nan mas ku ami i mi ministerio ta sigui trahá pa stimulá desaroyo ekonómiko di nos pais.