Bringamentu na partido di beisbol pariba kontra pabou

Inkreibel loke ku mayornan i fanátikonan di beisbòl di mucha a okashoná. Awe tardi den e di tres enkuentro entre Pariba i Pabou den e kategoria di Intermediate. Durante e partido empire a hasi un call ku a surgi basta diskushon riba dje te ku e coach di pariba a koba empire su mama. Kos a bin plakia i durante e wega a bin un otro call ku a bolbe surgi bululu e biaha aki ku esnan di pabou. Pabou tabata gana 11 pa 4 pero al final nan a bin pèrdè 14 pa 12 kontra Pariba. Mayornan i fanátikonan onsportief di Pabou na final di wega a bai atendé ku empire i a surgi un pushamentu ku despues a bin resulta den bringamentu. Inkreibel. Ta ki ehèmpel esaki ta pa nos muchanan. Deporte mester keda deporte i den deporte tin sea gana òf pèrdè i den otro ramo empate. Foei foei foei. Ta lógiko ku sponsòrnan ta bira lomba pa motibu di e tipo di aktonan akii no ta kla pa duna aporte mas. Wega di mucha mester keda di mucha.