KOMUNIKADO DI PRENSA 182 /2023
15 aprel 2023

Kontrol den kuadro di kombatimentu di trafikashon di hende

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Den kuadro di palabrashon ku organisashonnan Internashonal pa loke ta trata
kombatimentu di trafikashon di hende, nos komo pais Kòrsou a ehersé un kontrol.
Djabièrnè, 14 di aprel 2023 polis a bishitá un adrès na Rondeklip i a detené 18 dama komo
sospechoso di a viola lei di atmishon i ekspulshon. E damanan ta prosedente di Venezuela,
Colombia i Repúblika Dominikana.
Despues ku e damanan a wòrdu presentá dilanti un fiskal ouksiliar a yega na e siguiente
desishonnan;
 6 di e damanan a wòrdu laga den libertat despues di por a komprobá ku nan ta
permanesé di un forma legal riba nos pais.
 6 di e damanan a haña e asina yamá “meldingsplicht” konforme e instrukshon di
Minister di Hustisia.
 6 di e damanan a wòrdu enkarselá pendiente di nan deportashon pa nan pais di
orígen.
E kontrol nan aki lo kontinuá.