MINISTER COOPER TA KONTRIBUÍ PA VILLAPARK FONTEIN EKSPANDÉ KU 200 BIBIENDA
MINISTERIO KONSERNÍ TRÁFIKO, TRANSPORTE I PLANIFIKASHON URBANO
PUBLIKÁ RIBA 15 APREL 2023
Willemstad – Resientemente, Minister Charles Cooper, huntu ku Servisio pa Planifikashon Urbano (ROP) a hasi entrega di e pèrmit pa konstrukshon di 200 bibienda adishonal den Villapark Fontein.
Villapark Fontein ta un plan di infrastruktura eksistente ku aktualmente ta konsistí di 200 bibienda. Ku e aprobashon di e plan di infrastruktura nobo, awor ta bai konstruí 200 bibienda adishonal. Pues total 400 bibienda.
Komo parti di e plan lo bai ahustá e infrastruktura i den futuro lo tin mas desaroyo komersial.E plan di infrastruktura kompletu ta rekerí un invershon di 100 mion florin. E desaroyo di aki sigur ta kontribuí outomátikamente na un impulso ekonómiko grandi pa Kòrsou.
Minister Charles Cooper ta hopi kontentu ku e desaroyonan aki, ya ku e ta ofresé pais un “boost” ekonómiko. Minister Cooper ta felisitá properationan di Villapark Fontein i ta deseá nan éksito ku e trabounan.
