QMQ Organization ta kla pa presentá Miss Teenage Globe Press 2023

Willemstad – E 7 partisipantenan ta kla pa kompetí den e dos kompetensha ofisial di e
sertamen di momemtu ku ta Miss Terenage Globe Press 2023 .
E hóben beyesa nan tin algun siman ku nan ta den ful preparashon pa sertamen di Miss
Press 2023.
Parti di e preparashonnan ku e hóben beyesa nan a risibí ta charlanan edukashonal,
pero tambe nan a haňa charla di periodismo serka Naftaly Leito ku a splikanan kiko ta
nifiká periodismo, e importansha di periodismo i a konta nan su eksperiensha trahando
den e rango.
Otro charla ku e hóben beyesa nan a risibí ta, liderasgo. Aki sra Signalda di un forma
úniko a duna tur e partisipantenan ehèmpel nan i guia nan pa nan por ta un bon lider
den futuro. E charla nan aki siguir ta duna e partisipante nan konfiansa pa por subi
esenario i hiba un mensahe na nòmber di hóbennan di Kòrsou.
Djasabra awor 22 di aprel pa 19.00 e partisipante nan lo pone den praktika tur loke nan
a siňa te ku awor den e elekshon di Miss Press 2023. PWFC Multifunctional, komo e
kas ofishial di Miss Teenage Globe 2023 lo habri su porta nan pa duna nos partispante
nan e oportunidat di trese un mensahe pa nos hóbennan.
Durante e anochi aki, tur partisipante lo bai hiba un kòmbersashon ku e maestronan di
seremonia pa públiko por konosé nan mas mihó i tambe kada unu lo presentá un spich
dediká na prensa di Kòrsou for di e punto di bista di nan komo hóben.
Un biaha mas QMQ Organization a produsí un bunita show pa tur fanatiko presenté por
disfrutá i sostené nan partisipante faborito. E anochi aki animashon lo ta den man di
nos Miss Teenage Globe Curacao 2022 i tambe Miss Teenage Press 2022, srta Valerie
van Heydoorn i Dany Balentien.
Si ainda bo no a kumpra bo karchi pa sostené e hóbenan posítivo aki, tuma kontakto ku
bo partisipante faborito.