KAS DI BEIBEL TA HASI DONASHON DI BEIBEL NA PRIZÒN.

WILLEMSTAD- Resientemente Sentro di Detenshon i Korekshon Kòrsou (SDKK) a risibí un bunita donashon serka Kas di Beibel. Direktor di Kas di Beibel, señor Armin Elisa, a hasi donashon di 300 beibel, 1 ‘beamer’ ku historianan bíbliko i 14 sistema di oudio proklamashon pa e klientenan por skucha tur e bukinan di beibel di Tèstamènt Nobo.

Na e okashon akí, señor Elisa a duna splikashon amplio di e meta i importansia di Kas di Beibel na e presentenan, tambe e la konta tokante tur e aktividatnan diario ku ta tuma lugá na Kas di Beibel. Di parti di prizòn SDKK, tabata presente señor Benita, kordinadó interino di departamento di enseñansa i formashon, señora LLewellyn i Gibbes-Roojer di Guia di Aktividat, señor Jamanika ku ta kordinadó interino di Guia Spiritual den Prizòn i Bosero di Prizòn, señor Pinedo, ku na nòmber di gerensia di SDKK a risibí e opsekio bunita akí.

Gerensia di Prizòn, ta sumamente agradesido pa e gesto aki i ta yama danki na Kas di Beibel na nòmber di personal di Prizòn i tambe klientenan di Prizòn.