Reunion di Parlatino

April 17, 2023 REDAKSHON 0 Comments

Willemstad- Riba e fechanan 13 i 14 di aprel último, diferente miembro di parlamento a biaha pa Panama pa partisipá na reunionnan di Parlatino. Ta konosí ku Parlatino ta un parlamento formá pa diferente di e parlamentonan den Latino Amerika i Karibe ku tin komo meta pa entre otro atendé temanan ku ta relevante pa e region i e paisnan miembro.

Na apertura di e enkuentro, e tres komishonnan a trata e tema ‘Igualdat di Género’ di forma konhunto. Durante di e tema aki e miembro di parlamento tabatin e oportunidat di risibí informashon di organisashon manera UN Women i Organon ku ta hasiendo hopi trabou riba e tereno di igualdat di genero. Un punto di atenshon durante tratamentu di e tema aki, ta e enfoke ku Panama a pone riba e tema aki, dor di instituí un Ministerio di Hende Muhé, ku e promé Minister di hende Muhé sra. Juana Herrera Araùz. Durante e presentashon diferente tema a keda trese dilanti, ku tin relevansia pa Kòrsou. Entre otro e importansia di diversidat den polítika. Ademas e importansia di trata e tópiko di género na nivel di pais, komo desaroyo di nos komunidat den tur su aspektonan.

Despues di a trata e tema di igualdat di género, kada komishon a repartí i a sigui pa trata nan respektivo temanan. Komishon di salú a enfoká riba e.o. leinan pa protehá prosesonan neurológiko, e komishon di Energia a trata e.o. e tema di efisiensia den e ámbito energétiko i Komishon di Igualdad di Genero, Famia i Hubentut a trata e.o. e tema di ekidat di produktonan di konsumo. Banda di esaki a disidí ku kada pais lo bai bèk na nan Parlamento i o Gobièrnu pa posibel “input” riba e diferente lei modelonan.

E tres komishonnan ku a reuní ta:

Komishon di Salú