Pronóstiko di tempu pa Kòrsou i bisindario bálido te djaluna mainta 06:00 o.l., 24 di aprel 2023.

 

Pronóstiko

Pronóstiko di tempu pa Kòrsou i bisindario bálido te djaluna mainta 06:00 o.l., 24 di aprel 2023.
Kompilá: djadumingu 23 di aprel 2023, 05:00 o.l. (09:00 UTC).

Tempu: Shelu lo varia entre parsialmente te hopi nublá i lo ta un dia di kalor sofokante dor di falta di bientu.

Temperatura máksimo lo alkansá 30ºC i temperatura mínimo 25ºC.
Solo ta sali 06:20 i ta baha 18:49 o.l.

Bientu: For di direkshon variá i suak te moderá; forsa 1 te 3 (1 te 19 km/ora, 1 te 10 nudo).

Situashon general: Durante di e próksimo oranan, e disturbio den nos área ta mantené kondishon atmosfériko faborabel pa desaroyo di algun nubia den nos region, pero dor di stabilidat atmosfériko e chèns pa awa kai ta keda abou. Mas aleu, bientu lo sigui por lo general suak i for di direkshon variá. Esaki den kombinashon ku e humedat haltu lo sòru pa un sintimentu di èkstra kalor durante dia i nochi. Alabes kondishon di laman lo ta generalmente trankil durante di próksimo dianan.

Kondishon di laman: Ketu ku altura di olanan rondó di 1 meter (3 pia).

Fenómeno spesial: Ningun.

Perspektiva te djamars mainta: Parsialmente nublá, generalmente seku i bientu lo sigui suak.

Meteorólogo: Correa.