KOMUNIKADO DI PRENSA 219/2023.
11 mei 2023.

Detenshon relashoná ku ladronisia.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Kontinuando ku e investigashon relashoná ku un kaso di ladronisia ku a tuma lugá dia 27 di
aprel 2023 na un establesimentu den Prinsenstraat (Punda), polis a hasi detenshon.
Djaweps 11 di mei 2023, alrededor di 16.15’or di atardi riba òrdu di fiskal di Ministerio
Públiko a detené e hòmber sospechoso L.D.S., nasé na Kòrsou di 44 aña di edat, relashoná
ku e kaso di ladronisia ariba menshoná.
Detenshon di e hòmber sospechoso aki a tuma lugá na warda di reshèrshi.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.