KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Detenshon pa ladronisia.

KOMUNIKADO DI PRENSA 230/2023.
19 mei 2023.

Detenshon pa ladronisia.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaweps 18 di mei 2023 alrededor di 18.40’or Sentral di polis a risibí informashon ku algun
hòmber a drenta den un supermarket na Tera Cora i tabata bringa ku doño di e negoshi.
E unidat di polis ku a yega na e sítio a komprondé di e propietario di e establesimentu ku
algun di e hòmbernan aki a tuma pa kustumber di drenta su negoshi, kue artíkulonan i sali
bai ku esakinan sin paga.
Na momentu ku e doño a bai atendé e hòmbernan riba nan komportashon i a impedí
esakinan di sali ku e merkansianan, nan a kuminsá bringa ku e propietario.
Despues nan a drenta un vehíkulo i move for di e sítio.
Djis un ratu despues, un unidat di Politur a bin topa e vehíkulo aki den Kaya Gabardin ku e
kuarteto aden i a duna nan òrdu pa para.
Seguidamente e unidat di Politur a hasi detenshon di e hòmbernan sospechoso:
 S.S.H.H. di 19 aña di edat;
 D.J.C. di 19 aña di edat;
 A.E.J. di 51 aña di edat;
 R.C. di 24 aña di edat;
Tur nase na Kòrsou.
A presentá e sospechosonan dilanti di un fiskal ouksiliar ku a ordená su enkarselamentu
pendiente di mas investigashon.

 

639114718427035"
639114718427035"