KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Detenshon pa intento di asesinato i destrukshon.

KOMUNIKADO DI PRENSA 231/2023.
19 mei 2023.

Detenshon pa intento di asesinato i destrukshon.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaweps 18 di mei 2023 alrededor di 19.05’or, un unidat ku tabata kore riba A.A. de
Lannoy-Willems Blvd, a nota shofùr maskulino di un vehíkulo ku tabata aktua bastante
sospechoso i na momentu ku e shofùr a tuma nota ku polis tabata su tras, a hisa velosidat.
Polis a duna e shofùr di e vehíkulo aki, ku tabata un outo di famia, òrdu pa para. E shofùr no
a sigui e òrdu aki, pero a kontinuá su destino riba un velosidat bastante haltu.
Mesora e unidat a kuminsá ku un persekushon tras di e outo riba entre otro Nijlweg,
Schottegatweg-West, algun kaya den Emmastad, parti di Dominico ‘Don’ Martina Blvd,
Biesheuvel, Mahaai, Sta. Rosa i Suvec.
Durante di su trayekto, e vehíkulo aki a bin topa ku algun polis den área di Emmastad ku
tabatin e kaya blokiá. Na momentu ku nan a duna e shofùr aki òrdu pa para, el a sigui kore
di manera ku e polisnan mester a bula na kantu pa evitá ku e outo lo a trapa nan.
Na momentu di su huida, el a dal den un vehíkulo di un kompanía di seguridat i sigui kore.
Tantu riba Don Martina Blvd komo riba Snipweg, e sospechoso aki a bai kore den direkshon
kontrali, peligrando asina e tráfiko ku tabata kore riba e banda drechi di kaminda.
Finalmente e hòmber aki a kore subi un tereno den área di Suvec ku su outo i a bin para.
Na e momentu ei, polis a hasi detenshon di e sospechoso S.H.P. di 49 aña di edat nase na
Kòrsou, pa intento di asesinato i destrukshon.
E vehíkulo a keda konfiská.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.

 

639114718427035"
639114718427035"