TOPA MI RIBA E RUTA DIGITAL

Konferensia di Enseñansa Digital, ” TOPA MI RIBA E RUTA DIGITAL”

WILLEMSTAD – Ministerio di Enseñansa, Siensia, Kultura & Deporte (ESKD) ta invitá henter komunidat di Kòrsou pa sigui konferensha di digitalisashon di enseñansa di forma virtual. E konferensia aki ta tuma luga, dia 26 mei 2023 di 09:00 pa 11:00, e promé parti di e konferensha di digitalisashon ta keda transmití bibu *(live) riba e plataforma sosial di facebook di  ministerio di ESKD.  Meta di e konferensia aki ta pa duna informashon i alabes pa presentá na Kòrsou e promé Ministerio di Gobièrnu ku a kuminsá ku e promé fase di digitalisashon den Gobièrnu.

Minister di ESKD sr. Sithree van Heydoorn ta tene su presentashon kaminda e ta sigui delineá su vision pa mehorashon di enseñansa teniendo kuenta ku e abilidatnan moderno di digitalisashon ku por kontribui na e mehorashon menshona.

Sekretario di Estado sra. Alexandra van Huffelen tambe lo hiba palabra komo e titular ku ta enkargá ku digitalisashon pa Gobiernu di Hulandes. Ministernan i ekspertonan di e mundu di digitalisashon tambe ta hiba palabra komo invitado, manera entre otro Direktor di BTP sr. Curt Belfor, Direktor di BlueNap sr. Giovanni King i mas profeshonalnan den e trayekto di digitalisashon.

E programa ta:

Orario	Aktividat
09:00 – 9:30	Antesala	Entrevista ku Direktor sr. Wladimir Kleinmoedig, Inspektor General sra. Rubina Bitorina i presidente di tim di digitalisashon sr. Franklin Sluis.
09:30 – 11:00	Programa Ofishal	Oradornan: Minister Sithree van Heydoorn, Sekretario di Estado sra. Alexandra van Huffelen, Direktor di BTP sr. Curt Belfor, Direktor di BlueNap Americas sr. Giovanni King, presidente di digitalisashon sra. Samira Saab i hopi mas.
**Di forma virtual durante di e programashon ta presentá produkshonnan ku ta mustra riba e importansha i proyekshon di digitalisashon di enseñansa.

Topa Ministerio di Enseñansa, Siensia, Kultura i Deporte riba e ruta digital, dia 26 mei 2023 riba e página di facebook di Ministerio di ESKD.