KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Trabou di mantenshon riba ret di Jet fuel di Curoil

 

Trabou di mantenshon riba ret di Jet fuel di Curoil

 

Willemstad – Den kuadro di un plan integral di mantenshon i renobashon di Curoil su infrastruktura, Curoil ta anunsiá ku entrante 29 di mei 2023, lo kuminsá ku trabounan di mantenshon i renobashon riba e ret di jet fuel ku ta kore di Refineria Isla (Valentijn) te ku airopuerto Hato.  E trabounan lo ta repartí den diferente fase i lo finalisá na ougùstùs 2023.

 

Durante e periodo aki, lo hasi trabounan di mantenshon i renobashon na diferente lokalidat riba Schonegevelstraat, F.D. Rooseveltweg, krusada Jan Noorduynweg-Kaya Frank Curiel, krusada Kaya Frank Curiel-Alaskaweg i Plasa Margaret Abraham. E embergadura di e trabounan ta enserá ku tin sierto parti di e karetera ku lo sera i lo krea diferente desviashon di tráfiko ku mester tene kuenta kuné. E trabounan lo ta na enkargo di De Ron Machineshop bou di supervishon di Curoil í servisio di Obra Públiko.

 

Curoil, De Ron Machineshop, servisio di Obra Públiko i Kuerpo Polisial ta pidi indulgensia pa eventual molèster ku e trabounan di mantenshon riba e ret di jet fuel lo por kousa. Pa kualke pregunta, por tuma kontakto ku Curoil na 432-0000.

 

639114718427035"
639114718427035"