CONCACAF KU ÉKSITOSO WORKSHOP PA KOMISASRIONAN DEN REGION!

REDAKSHON May 30, 2023 0 Comments

Den wikènt tras di lomba CONCACAF a organisá un ‘Match Commissioner/Venue Coordinator workshop’ pa komisarionan den region. E workshop aki a keda duná pa instruktor Mario Monterossa di CONCACAF.

E workshop a tuma lugá riba djasabra i djadumingu, 27 i 28 di mei último, di mainta pa atardi den Sala Richard Th. Curiel na FFK i a konta ku partisipashon di 25 komisario.

Di e partisipantenan aki un total di 10 tabata di Kòrsou, 5 di Aruba, 5 di Sint Maarten, 5 di Boneiru i 5 di Sürnam ku a bin Kòrsou spesialmente pa sigui e workshop aki.

E workshop tabata repartí den e parti teorétiko i e parti práktiko den kual e kursistanan a hasi diferente aktividat manera; inspekshoná e infrastuktura di stadion, análisis di partido i tambe traha rapòrt di wega ku ta algun di e trabounan di un komisario di wega. Meta di e ‘Match Commissioner/Venue Coordinator workshop’ ta pa trese tur komisario riba e mesun liña di konosementu i repasá e responsabilidatnan di un komisario p’asina nan por desplegá nan trabou na un manera mas efisiente. Na final di e workshop tur partisipante a haña un sertifikado di partisipashon i sigur nan por mira bèk riba un wikènt hopi informativo ku lo kontribuí ku e desaroyo di futbòl na nan respektivo pais.

FFK ta felistá e grupo di komisario aki spesialmente e grupo di Kòrsou ku ta konsistí di e siguiente personanan;