WILLEMSTAD KOMO PATRIOMONIO MUNDIAL TA BRIA DEN RELATO 2022 DI STICHTING WERELDERFGOED NEDERLAND
MINISTERIO KONSERNÍ TRÁFIKO, TRANSPORTE I PLANIFIKASHON URBANO
WILLEMSTAD KOMO PATRIOMONIO MUNDIAL TA BRIA DEN RELATO 2022 DI STICHTING WERELDERFGOED NEDERLAND
PUBLIKÁ RIBA 30 MEI 2023
Willemstad – Nos dushi Willemstad, komo Patrimonio Mundial rekonosé dor di UNESCO, ta bria den gran forma te aya na Hulanda den e relato di aktividatnan di Stichting Werelderfgoed Nederland pa aña 2022.
Riba página 27 di e relato aki por mira momentu ku Minister Charles Cooper a risibí e buki titulá ‘Willemstad Werelderfgoed: Kleurrijke stad aan een natuurlijke haven’.
Riba página 29 tambe por tuma nota di e bishita ku Minister Cooper a hasi serka Sekretario di Estado Sra. Gunay Uslu kaminda a papia tokante patrimonio mundial.
Na 2022 nos komo pais a selebrá algun grandi i históriko, esta ku nos Willemstad ya tin 25 aña riba e lista di UNESCO komo patrimonio mundial. Nos por ta orguyoso di nos bunita pais i su herensia ku ta internashonalmente rekonosé.
