Pronóstiko di tempu pa Kòrsou i bisindario bálido te djasabra mainta 06:00 o.l., 3 di yüni 2023.

 

Pronóstiko di tempu pa Kòrsou i bisindario bálido te djasabra mainta 06:00 o.l., 3 di yüni 2023.
Kompilá: djabièrnè 2 di yüni 2023, 05:00 o.l. (09:00 UTC).

Tempu: Leve te parsialmente nublá, seku i èkstra kalor.

Temperatura máksimo lo alkansá 33ºC i temperatura mínimo 27ºC.
Solo ta sali 06:10 i ta baha 18:57 o.l.

Bientu: For di suitost i moderá; forsa 3 te 4 (12 te 30 km/ora, 7 te 16 nudo).  Ráfaga, de bes en kuando basta fuerte te posiblemente fuerte; forsa 5 te 6 (31 te 50 km/ora, 17 te 27 nudo).

Situashon general: Kondishon atmosfériko lo sigui stroba desaroyo di nubianan signifikante den nos region, esaki dor di ekstenshon di un sistema di preshon haltu. Pa e motibu aki, kondishon di tempu lo permanesé generalmente seku riba nos isla durante di awe. Sin embargo, un ola tropikal lo kondusí na un oumento di nubia ku un poko mas posibilidat pa un áwaseru lokal aserkando djasabra. Durante di djasabra próksimo, ta premirá kaída di bientu den nos área i esaki den kombinashon ku un grado di humedat i temperatura haltu lo bira un dia basta kaluroso.

Kondishon di laman: Trankil te moderá ku altura di olanan entre 0.5 i 1.5 meter (2 i 5 pia).

Sistemanan signifikante di wer tropikal: Ningun.

Fenómeno spesial: Ningun.

Perspektiva te djadumingu mainta: Por lo general tiki nubia lo pasa den área i lo ta un bes mas un dia kalor.

Meteorólogo: Correa.