KOMUNIKADO DI PRENSA 257/2023.
4 yüni 2023.

Kaso di tiramentu ku herido.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djadumingu 4 di yüni 2023 alrededor di 20.33’or, Sentral di Polis a dirigí un unidat di warda
di polis Otrobanda pa un adrès na Mina Scharbaai pa un kaso di tiramentu.
Na yegada di e unidat, el a bin topa un hòmber ku ya tabata wòrdu atendé pa personal di
ambulans.
E viktima tabatin un herida di bala algu riba su barika i un otro na su man.
For di investigashon preliminar ku polis a realisá na e sítio, ta indiká ku aparentemente un
ruman lo a tira otro, pa motibu te ainda deskonosí.
Ambulans a transportá e víktima pa C.M.C. pa tratamentu médiko.
Na e sítio, no a bin enkontrá ku e sospechoso.
Personal di reshèrshi ta enkargá ku e investigashon.