KUERPO POLISIAL KÒRSOU 

 

KOMUNIKADO DI PRENSA

246/2026

4 ougùstùs 2026 

Rekompensa pa informashon tokante ladronisia di kabritu 

Ultimamente a tuma lugá ladronisia di un kantidat di kabritu for di diferente tereno aki na Kòrsou unda tin kriyo di bestia. 

Algun di e sitionan aki ta: 

➢ Tereno na Oostpunt (konosí komo tereno di Maal); 

➢ Kalabash na Roi Santu; 

➢ Wacawa; 

➢ L.V.V. 

For di tereno di Maal, malechornan a bai tambe ku un kantidat di alrededor di  28 ròl di waya di kurá. 

E asesashon di kriadónan di bestia partikularmente, ta sumamente preokupá ku e situashon aki. 

Pa e motibu ei a pone un montante di XCG 4000,- komo rekompensa pa  esun(nan) ku por duna informashon, pa por yega na tantu e kabritunan hortá komo esnan ku a hasi nan mes kulpabel na e ladronisianan aki. 

Pa bini na remarke pa e rekompensa, por duna informashon via di e liña  anónimo 108. 

Kuerpo Polisial ta kontinuá ku investigashon den e kasonan aki i ke rekordá komunidat ku kumpramentu di tantu e kabritunan komo nan karni, ta  kastigabel pa lei.