Sekretario di Trabou Pa Kòrsou Jonathan Symor: Parlamento a bolbe drumi laga Hulanda tuma desishon
Sekretario di Trabou Pa Kòrsou Jonathan Symor
Parlamento a bolbe drumi laga Hulanda tuma desishon
Trabou Pa Kòrsou a tuma nota di un akuerdo ku ya a keda aproba dia 9 di mei 2023 den tweede kamer. E akuerdo aki ta konta pa hinter reino Hulandes. TPK ke rekòrdá Parlamento di Kòrsou ku reino Hulandes ta konsistí di 4 pais;
Hulanda, Aruba, Kòrsou i Sint Maarten.
Ta imposibel ku parlamento di Kòrsou ta sinta laga Hulanda tuma desishonnan importante asinaki sin opinión nan di e otro paísnan ku ta den reino.
Lokual ku TPK ta tira lus riba dje, ta e tratado entre reino Hulandes i e paísnan di Emiratos di Arabes Uni. Den e tratado aki ta kai:
- krimen organisá transnashonal
- tráfiko ilicito di susptansia prohibí
- korupshon
- kombatimentu di terrorismo di bom i arma nuklear
Tambe a bini aserka, tratado di extradishon di persona i yudansa hurídiko den kaso nan penal.
Riba tur e punto nan aki tweede kamer a tuma desishon pa hinter reino Hulandes. Tur esaki tin ku sosodé bilateral mente, teniendo kuenta ku derechonan humano stipulá den EVRM.
Aki nan e ta bira interesante dor ku den e estadonan di EAU konosé kastigu di morto, ku ta kontradisi EVRM. Pesei lo tabata interesante i nesesario, pa Parlamento di Kòrsou lo a duna su aport’e den e Tratado aki. Pena di morto ta ún sankshon legal aplikabel i sa wòrdu ehekutá den Emiratos di Árabes Uni. Hopi delikto sa wòrdu kastiga ku morto según leinan di EAU. Ehekushon nan sa wòrdu realisa ku arma di kandela, horkamento o dor di piedra, segun e delikto kometi. Asta den algun kaso por keda sentensiá na un krusifikashon.
E lei aktual di EAU teoretikamente ta permití pena di morto pa:
- Traishon
- Espionage
- Asesinato
- Insitashon na suisidio ku resultado di morto
- Insendio provoka ku resultado di morto
- Agreshon grave ku resultado di morto
- Importashon di materialnan o residuonan nuklear
- Adulterio
- Disloyal dad na Islam
- Blasfemia di Islam
- Perjurio den korte ku resultado di morto
- Violashon
- Ladronisia ku forsa grave
- Terorismo
- sodomía homoseksual
- trafikamentu di droga
- Uni na Estado Islamiko na Irak i Levante
Kiermen aki nos por tuma nota ku kaulkier persona ku bishita un país di EAU por haña su mes den un posishon di peliger. Anto Kòrsou no sa mes kiko su Parlamento a regla pa su yu nan di tera, i a laga esaki den man di tweede kamer.
Trabou pa Kòrsou ta spera di por a tira lus i spièrta Parlamento di Kòrsou i su siudadanonan riba e puntonan delikado nan aki ku masha poko sa bin dilanti, pero ku niun hende no ke haña nan mes den djé!
Ta Parlamento di Kòrsou su tarea di atende i manda bisa Tweede Kamer, Parlamento di Kòrsou su puntonan di bista. Pero parlamentario nan di Kòrsou ta morto na soño. Ta lider di TPK so a pidi informashon i sòru pa informa komunidat.
