Pronóstiko di tempu pa Kòrsou i bisindario bálido te djaweps mainta 06:00 o.l., 8 di yüni 2023.

 

Pronóstiko

Pronóstiko di tempu pa Kòrsou i bisindario bálido te djaweps mainta 06:00 o.l., 8 di yüni 2023.
Kompilá: djárason 7 di yüni 2023, 05:00 o.l. (09:00 UTC).

Tempu: Leve te parsialmente nublá i generalmente seku.

Temperatura máksimo lo alkansá 32ºC i temperatura mínimo 27ºC.
Solo ta sali 06:10 i ta baha 18:59 o.l.

Bientu: For di ost i moderá; forsa 3 te 5 (12 te 39 km/ora, 7 te 21 nudo). Ráfaga, de bes en kuando posiblemente fuerte; forsa 6 (40 te 50 km/ora, 22 te 27 nudo).

Situashon general: Durante e dia di awe, un airu relativamente stabil i seku lo influensiá e tempu riba nos region. Di otro banda, humedat asosiá na un ola tropikal lo mehorá kondishon atmosfériko mañan mainta pa formashon di nubianan ku por trese algu di áwaseru riba partinan di e teritorio lokal. Alabes, durante e próksimo dianan gradualmente bientu lo bai oumentá riba nos isla.

Kondishon di laman: Por lo general moderá ku altura di olanan entre 1 i 1.5 meter (3 i 5 pia).

Sistemanan signifikante di wer tropikal: Ningun.

Fenómeno spesial: Ningun.

Perspektiva te djabièrnè mainta: Parsialmente nublá i bientu lo suplá mas fuerte.

Meteorólogo: Correa.