KOMUNIKADO DI PRENSA 259/2023.
7 yüni 2023.

Seis detenshon relashoná ku violashon di lei di opio.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djárason 07 di yüni 2023 alrededor di 05.00’or di mainta, e Divishon di Krímen Organisá a
tene kuater entrada hudisial na e siguiente adrèsnan: Asbestweg, Kaya Bakator i dos adrès
den Mahuma.
E entradanan hudisial aki ta den kuadro di un investigashon penal ku ta andando relashoná
ku un kaso di violashon di lei di opio.
Durante di e entradanan hudisial a haña i konfiská un kantidat di droga, atributonan pa
prepará droga, shete (7) arma di kandela i un kantidat di munishon, plaka kèsh, aparatonan
di nabegashon, algun telefòn selular i un outo ku ta prosedente di ladronisia.
En konekshon ku esaki a detené e hòmbernan sospechoso:
 N.O., 32 aña di edat.
 J.J.V., 25 aña di edat.
 A.E.O. 32 aña di edat.
 W.A.W., 41 aña di edat, tur kuater nase na Kòrsou.
 W.R.R., 25 aña di edat, nase na Venezuela.
 R.A.D.C., 41 aña di edat, nase na Colombia.
A presentá e seis sospechosonan dilanti un fiskal ouksiliar ku despues di interogashon a laga
den libertat A.E.O. i a ordená enkarselamentu di e sinku otro sospechosonan pendiente di
mas investigashon.
Athunto potrèt:

Vakantieplan bel +5999 5123160