KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

AQUALECTRA TA REAFIRMÁ KU SITUASHON DI KORIENTE TA STABIL ATROBE NA KÒRSOU

AQUALECTRA TA REAFIRMÁ KU SITUASHON DI KORIENTE TA STABIL ATROBE NA KÒRSOU

 

Willemstad- 9 di yuni- Djaweps 8 di yüni alrededor di 1 ’or i 25 minut di mèrdia Kòrsou a konosé un ‘black-out’. Esaki tabata despues ku un kabel mayó ku tin un funshon prinsipal den distribushon di koriente na e sub-stashòn na Parera a sufri un desperfekto basta grave. E desperfekto aki a kousa ku e sub-stashòn na Parera a kai afó, i konsekuentemente okashoná un desbalansa kompletu den e sistema di produkshon i destribushon di koriente lokal. Despues di varios ora di trabou intensivo i diferente reto pa start produkshon bèk di forma stabil, Aqualectra a logra restablesé e situashon di koriente pa Kòrsou kompletu alrededor di 1 or i 20 minut di anochi. Próksimamente lo anunsiá kiko ta e prosedura aselerá pa personanan ku ke entregá un keho ofisial pa por ehèmpel aparatonan elektróniko ku a daña. Aqualectra ke hasi uso di oportunidat aki pa pidi diskulpa un bes mas pa e inkumbiniensia ku e situashon a kousa.

Durante e último simannan algun área na Kòrsou a pèrdè koriente algun bia pa motibu di falta di kapasidat temporal. Ta importante pa enfatisá ku e falta di kapasidat temporal aki no ta loke a kousa e‘black- out’. Entretantu Aqualectra a tuma e pasonan nesesario pa por tin sufisiente kapasidat di produkshon pa kumpli ku e demanda di komunidat.  Un investigashon profundo ta keda hasí pa determiná e motibu presis ku e kabel en kuestion a sufri e desperfekto. Lo informá komunidat debidamente tokante e resultado di e investigashon i pasonan konkreto ku lo tuma pa evitá ku esaki lo por bolbe tuma lugá den futuro serkano.

Algu ku a tuma nota tambe, después di e black-out, tabata ku malechornan a vandalisá algun propriedat di Aqualectra durante di e ‘black-out’. Debí na esaki tin sierto área ku ainda no tin koriente. Un súplika ta bai na un i tur ku ainda no tin koriente pa mèldu esaki.

 

639114718427035"
639114718427035"