GRAN APERTURA DI FUTBÒL DI DAMA KATEGORIA U-15, U-17 I SENIOR, DJABIÈRNÈ 11 SÈPTÈMBER  NA TERENO DI WILLEMSTAD!

 

GRAN APERTURA DI FUTBÒL DI DAMA KATEGORIA U-15, U-17 I SENIOR, DJABIÈRNÈ 11 SÈPTÈMBER  NA TERENO DI WILLEMSTAD!

 

Mañana djabièrnè 11 di sèpèmbèr lo tin e gran apertura di Kampionato di Dama 2020 ku lo tuma lugá na tereno di Willemstad. 

E anochi lo habri ku un bunita desfile ku ta sali mitar di 7 di anochi, for di e área di parkeo na e tereno di Willemstad kaminda e timnan partisipante lo kana bai direkshon di vèlt, akompañá pa un ‘brassband’. Después ta sigui e parti ofisial kaminda e presidente di komishon di dama i miembro di direktiva di FFK, Sra. Fabi Constansia lo hiba algun palabra.

E promé partidonan lo kuminsá 8’or miéntras e delaster partido lo terminá alrededor di 10’or. 

 

Kampionato di Dama 2020 lo konta ku 3 kategoria ku ta; U-15, U-17 i Senior. 

Kada kategoria tin por lo menos 5 ekipo ku ta partisipá i nan lo hunga tur djabièrnè na tereno di Willemstad riba ámbos vèlt. Tur 3 kategoria ta hunga 5 vs 5 i e partidonan aki tin un durashon di 10 minüt pa banda ku un pousa di 5 minüt. Lo repartí e terenonan p’asina por tin mas tantu wega ku lo hunga mesun pareu.

 

E kampionato di dama kategoria U-15 ta konta ku 5 ekipo, kual ta:

 

  1. Jong Colombia
  2. Subt
  3. Jong Holland
  4. Inter Willemstad
  5. Excellence School

 

E kampionato di dama kategoria U-17 ta konsistí di e siguiente 5 ekiponan:

 

  1. Jong Colombia
  2. Subt
  3. Vesta
  4. Excellence School
  5. Jong Holland

 

E kampionato di dama kategoria Senior ta konta ku un total di 11 ekipo, esaki nan ta:

 

  1. Hubentut Fortuna 1
  2. Hubentut Fortuna 2 
  3. Subt
  4. Vesta 1
  5. Vesta 2
  6. Inter Willemstad 1
  7. Inter Willemstad 2
  8. Undeba 1
  9. Undeba 2
  10. Excellence School
  11. Jong Holland

 

Pues e djabièrnènan ta bai ta kargá ku bon futbòl di nos damanan kuminsando e djabièrnè aki te ku luna di òktober. Un invitashon ta bai na henter e pueblo di Kòrsou pa bin disfrutá di bo deporte preferí i mira kiko tur nos damanan tin aden!

 

FFK ta hasi un súplika na tur fanátiko pa yega trempan na stadion ku un ID válido pa registrashon na porta!

 

Nos ke urgi un i tur pa mantené distansia sosial i keda kumpli ku e reglanan di higiena stipulá pa Gobièrnu di Kòrsou. Kòrda hasi uso di un tapa boka (‘mondkap’) pa bo mes seguridat!

 

Entrada ta kompletamente grátis!

FFK i nos damanan ta warda bo!

 

10 di sèptèmber 2020

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: