Brigada di Seguridat i Formashon ta habri temporada di reklutashon te ku 28 di april 2019 Abo ku ta entre 15 pa 25 aña inskribí awor mes !!

Brigada di Seguridat i Formashon ta habri temporada di reklutashon te ku 28 di april 2019

Abo ku ta entre 15 pa 25 aña inskribí awor mes !!

 

Willemstad – Brigada di Seguridat i Formashon ta un proyekto di Fundashon Bos di Hubentut kaminda hóbennan entre 15 i 25 aña ta vigilá seguridat di mucha hóben durante eventonan públiko. E idea di brigada a lanta na aña 2004 ora Hudraine Papa a bira viktima den e aktividat públiko di seú kual a kosta su bida pa falta di seguridat. E aksidente aki a motivá Fundashon Bos Di Hubentut pa tuma inisiativá pa lanta un brigada  formá dor di hóben bon prepará mental i físikamente pa por duna asistenstia den aktividatnan manera karnaval di mucha, parada di tiner, Seú i otro aktividat públiko. Miembronan di BSF tur wikènt ta sigui trainingnan intensivo di entre otro: training di kondishon i training mental. Miembronan di brigada ta partisipá na aktividatnan manera “Survival Camp”, “Trainings Camp”,i teambuilding.

Manera tur aña Brigada ta duna oportunidat na hóbennan pa skirbi nan nòmber pa forma parti di e Brigada. Brigada di Seguridat i Formashon ta buskando hóbennan entre 15 pa 25 aña ku ta dispuesto pa eksperensha algu otro i ku un karakter firme i desididó. Abo Hóben masha dia bo tabata kier a forma parti di brigada awel  ata bo oportunidat pa ta parti di Brigada di Seguridat i Formashon. E periodo di reklutashon ta di 01 di febrüari 2019 pa 28 di aprel 2019.

Pa por inskribí subi riba nos facebookpage;Brigada di Seguridat I Formashon riba e pagina di facebook tin un  link pa yena, yena e formulario di inskripshon kompletu  Pa esaki ta bálido mester entregá un kopia di sédula, pasfoto (no mas bieu ku 6 luna)  i 20 florin. Por pasa tambe na Fundashon Bos di Hubentut na Jan Otzenstraat z/n di 08.00 AM  (8 or di mainta) pa 17.00 PM (5 or di atardi). Keda pendiente pa nos dia habrí na aprel 2019. Riba e dia aki lo tin demostrashon di diferente training i informashon di Brigada di Seguirdat i Formashon.

Pa mas informashon i inskripshon, por tuma kontakto ku Fundashon Bos di Hubentut na 462 – 2442, 461- 8103 òf mail nos na bsf@bosdihubentut.com. Por hasi nos un bishita na Jan Otzenstraat z/n, Mundu Nobo