NOS A DRENTA E SIMAN DI E CONCACAF U-20 CHAMPIONSHIP KU LO TUMA LUGÁ AKI NA KÒRSOU DEN STADION ERGILIO HATO! NOS HUNGADÓNAN A YEGA!  

NOS A DRENTA E SIMAN DI E CONCACAF U-20 CHAMPIONSHIP KU LO TUMA LUGÁ AKI NA KÒRSOU DEN STADION ERGILIO HATO!

NOS HUNGADÓNAN A YEGA!

 

 

Manera ya nos a bin ta anunsiá, djamars awo, 18 di febrüari lo tin e inisio di e CONCACAF

U-20 Championship 2020 ku lo tuma lugá aki na Kòrsou. Dianan 18, 20 i 22 febrüari, grupo C ku ta konsistí di Guadeloupe, Belize, Saint-Martin i naturalmente Kòrsou, lo enfrentá otro pa mira ken lo klasifiké pa e siguiente buèlta di e torneo aki. Diariamente lo tin 2 partido den Stadion Ergilio Hato i tur partido ta kompletamente grátis.

 

Skema di weganan:

 

  Fecha Orario Tim A Tim B Lugá
1 18 feb. 20 16:30 PM Guadeloupe Belize Stadion Ergilio Hato
2   19:30 PM Kòrsou Saint-Martin
3 20 feb. 20 16:30 PM Saint-Martin Guadeloupe
4   19:30 PM Belize Kòrsou
5 22 feb. 20 16:30 PM Belize Saint-Martin
6   19:30 PM Kòrsou Guadeloupe

 

 

 

Djabièrnè último gran parti di nos hungadónan residensiá den eksterior a pisa suela di Kòrsou den oranan di atardi p’asina djòin nos hugandónan lokal pa kontinuá ku e ‘training’ i preparashonnan pa nos partidonan di e kampionato aki. Djadumingu e otro grupo di nos hungadónan tambe a yega i awor nos ekipo ta kompletu i kla pa saka nos kara un biaha mas.

 

 

Nos selekshon ta wòrdu dirigí pa Sr. Raul Triana Gonzalez i e ta wòrdu asistí pa

Sr. Johan de Jong ku Sr. Pablo Alomá Mark ku ta e entrenadó di e porteronan.

E masahista di nos selekshon ta Sr. Sherwin Inesia miéntras Sr. Roderick Rojer ta esun enkargá ku e materialnan. Sr. Ramfis Filet lo ta e dòkter di nos selekshon i e hefe di delegashon ta Sr.Hubert Isenia, miembro di direktiva di FFK.

 

Nos selekshon ta konsistí di e siguiente hungadónan:

 

  1. Tyrik Bodak (PSV)
  2. Gedion Meridian (Fc Volendam)
  3. Rivano Stacie
  4. Joel Thode (Vitesse)
  5. Jurendly Dovale (Subt)
  6. Tyrese Noslin (Almere City)
  7. Roshyon Anita (Centro Barber)
  8. Shiryson Albertus (Undeba)
  9. Luchently Vrutaal (Centro Barber)
  10. Johenry Lloyd (Hubentut Fortuna)
  11. Arenchelo Leito (PEC Zwolle)
  12. Urvin Lentini Caciano (Fc Emmen)
  13. Joshua Zimmerman (Almere City)
  14. Nathan Holder (Fc Utrecht)
  15. Rychaintelo Knoll (Feyenoord)
  16. Kurt De Palm (Hubentut Fortuna)
  17. Lixiangelo Martis (Hubentut Fortuna)
  18. Alrick Pantophlet (New Song)
  19. Rudian Luciana ( U.D. Tera Kòrá)
  20. Kgevin Kook (Centro Barber)

 

E siman a drenta pa e CONCACAF U-20 Championship 2020! Awor ta ora pa hinter pueblo di Kòrsou yega stadion pa apoyá i sostené nos hungadónan di U-20 ku ta preparando den ful swing pa hasi un bon trabou durante e torneo aki!

 

Nos ta topa dianan 18, 20 i 22 di febrüari próksimo den Stadion Ergilio Hato!

 

16 febrüari 2020

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: