Gobièrnu ta bai Korte: Minister di GMN ta konsiderá wèlga di dòkternan di kas irasonabel i inaseptabel

KOMUNIKADO DI PRENSA

Publiká 2 di novèmber 2026

Dia 31 di òktober 2026, Minister di Salubridat, Medio Ambiente i Naturalesa (GMN) a hasi un yamada por eskrito na Curaçaose Huisartsen Vereniging (CHV) pa garantisá kontinuidat di kuido médiko di promé liña. Minister a pidi CHV pa move nan reunion di djaluna 2 di novèmber 2026 pa despues di 17:00, ora ku Huisartsenpost (HAP) por asumí e kuido médiko, sin ku pashèntnan den nos komunidat mester sufri konsekuensia di e akshon.

Apesar di e petishon akí, CHV a disidí pa kuminsá wèlga for di awe durante oranan regular di konsulta.

Segun Gobièrnu, e desishon di CHV i su miembronan no ta den interes general. Miles di hende ta keda afektá, entre nan pashèntnan ku no por risibí kuido médiko regular, pero tambe personanan vulnerabel den kasnan di kuido i kasnan di ansiano, manera hende grandi di edat i personanan ku limitashon.

Gobièrnu ta konsiderá un wèlga di dòkternan di kas na nivel nashonal komo un medida desproporshonal, pasobra e konsekuensianan pa kontinuidat i aksesibilidat di kuido médiko pa henter poblashon di Kòrsou ta demasiado grandi i no ta den proporshon ku e konflikto ku ta na base di e wèlga.

Segun Gobièrnu, e interes general di garantisá bon kuido médiko aksesibel pa poblashon di Kòrsou ta pisa mas ku e interesnan finansiero di un grupo profeshonal manera dòkternan di kas. P’esei, Gobièrnu ta konsiderá e wèlga akí inaseptabel.

Ademas, e wèlga ta irasonabel, mirando ku dòkternan di kas ta risibí un kompensashon ampliamente sufisiente i ku no tin un motibu urgente pa deklará un wèlga na nivel nashonal.

CHV a pidi Minister di GMN pa oumentá e tarifa di abonamentu ku Cg 30 pa pashènt pa aña, den un término masha kòrtiku, komo kompensashon pa e gastunan mas haltu di práktika. Un oumento asina lo nifiká ku e kompensashon total pa dòkternan di kas lo subi ku mas di Cg 4 mion pa aña.

Minister a informá CHV ku evaluashon di un petishon asina ta rekerí un investigashon di Regulatory Authority Curaçao (RAC), na kua dòkternan di kas mester duna nan kolaborashon.

Esaki ta konta pa tur petishon pa oumento di tarifa den sektor di salú, spesialmente ora ta trata di kompensashon pa gastunan di práktika, pasobra no tur gasto di práktika por wordu atribuí na kuido médiko legítimo di pashèntnan.

Un investigashon di RAC promé ku aprobá un eventual oumento di tarifa ta un liña di maneho ku Gobièrnu a sigui konsekuentemente te awor.

Sinembargo, dòkternan di kas a disidí pa bai wèlga promé i eksigí un oumento temporal di tarifa for di Minister di GMN promé ku nan bolbe kuminsá ku nan oranan di konsulta. Esaki no ta aseptabel pa Gobièrnu.

E tarifa di abonamentu ku SVB ta paga na dòkternan di kas ta aproximadamente Cg 182 pa aña pa kada pashènt registrá serka un dòkter di kas. Aktualmente Kòrsou tin aproximadamente 140.000 asegurado di BVZ i 87 dòkter di kas registrá serka SVB komo dòkter ku ta kolaborá ku SVB.

Esaki ta nifiká ku un dòkter di kas tin na promedio aproximadamente 1.600 pashènt den su práktika. Pa un práktika di e tamaño akí, e dòkter ta risibí aproximadamente Cg 291.000 pa aña di SVB, esta aproximadamente Cg 24.300 pa luna.

E kantidat máksimo di pashènt pa un práktika ku un solo dòkter ta 2.500 pashènt. Esaki ta representá aproximadamente Cg 455.000 pa aña, òf Cg 38.000 pa luna na kompensashon di SVB pa un dòkter di kas.

Ademas, e dòkter di kas por deklará otro servisionan serka SVB, manera bishitanan na kas di pashènt, pa kua e ta risibí un kompensashon adishonal riba e tarifa di abonamentu.

Promé ku introdukshon di Huisartsenpost (HAP), kada dòkter di kas tabata responsabel pa kuido di su propio pashèntnan 24 ora pa dia, shete dia pa siman.

For di 1 di yanüari 2024, HAP ta asumí e kuido médiko for di 17:00 te mainta siguiente, durante fin di siman i dianan di fiesta. Gobièrnu ta karga kompletamente ku e gastunan di HAP.

Debí na esaki, dòkternan di kas ta responsabel pa nan pashèntnan durante konsiderablemente ménos ora, pero nan ta sigui risibí e mesun kompensashon di SVB ku promé. Esaki ta representá un mehorashon real di entrada, ku mester wordu konsiderá komo un indeksashon di e entrada básiko di dòkternan di kas.

Ademas, un dòkter di kas ta risibí e tarifa di abonamentu di SVB pa kada pashènt registrá, asta si e pashènt no bishitá e dòkter ni un solo biaha durante henter aña.

Un parti di e pashèntnan registrá no ta bishitá nan dòkter, òf ta hasi esaki masha poko biaha. Esaki tambe ta un bentaha pa e dòkter di kas, pasobra independientemente si e pashènt a bishitá e dòkter òf nò, e dòkter ta risibí un kompensashon fiho di aproximadamente Cg 182 pa kada pashènt registrá serka SVB.

Gobièrnu ta di opinion ku pashèntnan no mester bira víktima di un diskushon tokante e tarifa ku SVB ta paga na dòkternan di kas, un tarifa ku, segun Gobièrnu, ya a wordu indeksá di manera sustansial ku introdukshon di HAP.

Mirando su responsabilidat pa kuido di salú den nos komunidat, manera stipulá den Staatsregeling di Kòrsou, Gobièrnu lo inisiá inmediatamente un prosedura di kort geding kontra CHV i/òf su miembronan ku ta partisipá den e wèlga, pa asina Korte, komo instansia independiente, por duna su huisio tokante e situashon ku a surgi.

 

---

 

PERSBERICHT

Gepubliceerd 2 november 2026

Op 31 oktober 2026 heeft de minister van Gezondheid, Milieu en Natuur (GMN) de Curaçaose Huisartsen Vereniging (CHV) schriftelijk opgeroepen de continuïteit van de huisartsenzorg te waarborgen en een beroep gedaan op de CHV om haar vergadering van maandag 2 november 2026 te verplaatsen naar een tijdstip na 17.00 uur, wanneer de Huisartsenpost de zorg over kan nemen en de patiënten in onze gemeenschap geen gevolgen zouden ondervinden van de actie. De CHV heeft desondanks besloten vanaf vandaag tijdens de reguliere spreekuren te staken.

Het besluit van de CHV en haar leden is volgens de regering niet in het algemeen belang. Vele duizenden mensen worden erdoor geraakt, onder wie de patiënten die verstoken blijven van reguliere zorg en zeer kwetsbare bewoners van verpleeg- en verzorgingshuizen, zoals ouderen en mensen met een beperking. De regering acht het middel van een landelijke staking van huisartsen daarom buitenproportioneel, omdat de gevolgen daarvan voor de continuïteit en toegankelijkheid van de huisartsenzorg voor de gehele bevolking van Curaçao te ingrijpend zijn en daardoor niet in verhouding staan tot het geschil dat aan de staking ten grondslag ligt. Het algemeen belang van goede en toegankelijke zorg voor de bevolking van Curaçao weegt volgens de regering zwaarder dan de financiële belangen van een beroepsgroep zoals die van huisartsen. De regering acht deze staking daarom ontoelaatbaar. Ook is de staking onredelijk, omdat de huisartsen een ruim voldoende vergoeding ontvangen en er daarom geen acute reden is om een landelijke staking uit te roepen.

De CHV heeft de minister van GMN gevraagd het abonnementstarief op zeer korte termijn te verhogen met Cg 30 per patiënt per jaar, ter compensatie van hogere praktijkkosten. Een dergelijke verhoging laat de vergoedingen van huisartsen met ruim Cg 4 miljoen per jaar stijgen. De minister heeft de CHV laten weten dat de beoordeling van een dergelijk verzoek een onderzoek door de Regulatory Authority Curaçao (RAC) vereist, waaraan de huisartsen moeten meewerken.

Dat geldt voor alle verzoeken om tariefverhoging in de zorg, zeker als het gaat om een vergoeding voor praktijkkosten, omdat niet alle praktijkkosten toegerekend kunnen worden aan de legitieme zorg voor patiënten. Een onderzoek door de RAC, alvorens een eventuele tariefverhoging toe te kennen, is tot nu toe een bestendige beleidslijn die consequent is gehanteerd door de regering. Echter, de huisartsen hebben besloten om nu eerst te gaan staken en van de minister van GMN een tussentijdse verhoging van het tarief te eisen voordat zij weer hun spreekuren hervatten. Dat is voor de regering niet acceptabel.

Het abonnementstarief dat de SVB aan de huisartsen betaalt, bedraagt circa Cg 182 per jaar voor iedere patiënt die bij een huisarts staat ingeschreven. Curaçao telt momenteel ca. 140.000 BVZ-verzekerden en 87 huisartsen die bij de SVB staan ingeschreven als medewerkende huisartsen.

De gemiddelde praktijkomvang van een huisarts is dus ca. 1.600 patiënten. Voor een dergelijke praktijk ontvangt de huisarts van de SVB circa Cg 291.000 per jaar, ofwel circa Cg 24.300 per maand. De maximale omvang van een eenpersoonspraktijk bedraagt 2.500 patiënten. Dit komt neer op circa Cg 455.000 per jaar, ofwel circa Cg 38.000 per maand aan SVB-vergoedingen voor een huisarts. Daarnaast kan de huisarts andere verrichtingen bij de SVB declareren, zoals huisbezoeken, waarvoor hij een additionele vergoeding ontvangt boven op het abonnementstarief.

Vóór de komst van de Huisartsenpost (HAP) was iedere huisarts 24 uur per dag, zeven dagen per week verantwoordelijk voor de zorg aan de eigen patiënten. Sinds 1 januari 2024 neemt de HAP de zorg over van 17.00 uur tot de volgende ochtend, in de weekenden en op feestdagen. De kosten van de HAP worden volledig door de overheid gedragen.

De huisartsen zijn daardoor aanzienlijk minder uren verantwoordelijk voor hun patiënten, maar ontvangen van de SVB nog steeds hetzelfde bedrag als daarvoor. Dat is een feitelijke inkomensvooruitgang, die als een indexering van het basisinkomen van de huisarts moet worden beschouwd.

Verder is het zo dat een huisarts het abonnementstarief van de SVB voor iedere ingeschreven patiënt ontvangt, ook als die patiënt het hele jaar niet op het spreekuur komt. Een deel van de ingeschreven patiënten bezoekt de huisarts niet of nauwelijks. Ook dat is een voordeel voor de huisarts, want ongeacht een doktersbezoek of niet, de huisarts krijgt een vast bedrag van circa Cg 182 per ingeschreven patiënt van de SVB als vergoeding.

De regering is van mening dat patiënten niet de dupe mogen worden van een discussie over het door de SVB aan de huisartsen te vergoeden tarief, die in haar ogen met de komst van de HAP reeds op materiële wijze is geïndexeerd. Gelet op haar verantwoordelijkheid voor de gezondheidszorg in onze gemeenschap, zoals verankerd in de Staatsregeling van Curaçao, zal de regering per direct een kort geding tegen de CHV en/of haar stakende leden entameren, zodat het Gerecht als onafhankelijke instantie een oordeel kan vellen over de ontstane situatie.