Minister Charles Cooper  𝐇𝐢𝐬𝐭𝐨𝐫𝐢𝐚 𝐭𝐚 𝐢𝐦𝐩𝐨𝐫𝐭𝐚𝐧𝐭𝐞, 𝐩𝐞𝐫𝐨 𝐟𝐮𝐭𝐮𝐫𝐨 𝐧𝐨𝐬 𝐦𝐞𝐬𝐭𝐞𝐫 𝐤𝐨𝐧𝐬𝐭𝐫𝐮𝐢́.

Awe mainta mi tabata presente na e simposio “Historia i futuro di Registro di Barku Ultramarino na Kòrsou”, kaminda nos a papia tokante e futuro di nos registro i e responsabilidat ku esaki ta trese kuné.

Nabegashon marítimo ta un topiko kompleho, ku obligashonnan internashonal i eksigensianan haltu. Mi posishon ta kla: si Kòrsou skohe pa sigui ku supervishon di e registro, nos mester hasi’é bon i na e nivel mas haltu.

Pero nos mester di benefisio kla i duradero pa Kòrsou. P’esei sektor marítimo i armadónan tin un papel importante pa demostrá ku tin un business case sostenibel ku por generá aktividat ekonómiko, empleo i oportunidat pa nos pais.

Gobierno tin su responsabilidat. Reino tin su responsabilidat. I sektor tambe tin su responsabilidat.

Durante e okashon aki mi a tuma tempu tambe pa gradisí Jan Sierhuis pa su añanan di servisio i dedikashon na Kòrsou i na nos sektor marítimo. Jan, masha danki pa bo aporte, i mi ta deseá bo un dushi penshun ku salú i hopi momento pa disfrutá.

𝐇𝐢𝐬𝐭𝐨𝐫𝐢𝐚 𝐝𝐢 𝐧𝐨𝐬 𝐫𝐞𝐠𝐢𝐬𝐭𝐫𝐨 𝐭𝐚 𝐬𝐤𝐢𝐛𝐢́ 𝐤𝐚𝐛𝐚.

𝐒𝐮 𝐟𝐮𝐭𝐮𝐫𝐨 𝐚𝐢𝐧𝐝𝐚 𝐧𝐨.

𝐄 𝐟𝐮𝐭𝐮𝐫𝐨 𝐞𝐢 𝐧𝐨𝐬 𝐭𝐚 𝐤𝐨𝐧𝐬𝐭𝐫𝐮𝐢́ 𝐡𝐮𝐧𝐭𝐮.