E fecha aki ta structuralmente dedica na hisa consciencia global riba e prevencion, diagnostico y tratamento di e malesa aki cu ta debilita e wesonan.

E tema di e aña aki, di WHO y PAHO hunto cu e Fundacion Internacional pa Osteoporosis (IOF), ta: “Crea, Proteha y Fortalece bo Wesonan pa Bida”.

Osteoporosis ta un malesa cu ta haci bo weso debil y mas facil pa kibra. P’esey, cuido di bo weso ta cuminsa for di chikito y ta continua durante henter bo bida!

Departamento di Salud Publico ta duna tres tip clave pa yuda preveni Osteoporosis y mantene bo wesonan fuerte:

• Alimentacion: Consumi cuminda cu calcio loke ta aporta na bo salud di weso, manera lechi y producto deriva di lechi, berdura berde, sardin, simia di sesame of suplemento.
• Vitamina D: Tuma solo di mainta, consumi cuminda rico den vitamina D manera oester of bebe suplemento, ya cu vitamina D ta necesario pa bo curpa por absorba calcio bon.
• Ehercicio di peso y resistencia: Move bo curpa, cana, subi trapi of haci ehercicio di peso pa stimula bo weso y musculonan keda fuerte y den bon condicion.
• Evita estilo di bida no-saludabel: Evita huma y limita e consumo di alcohol, pasobra esakinan ta haci e wesonan mas debil y ta aumenta e riesgo di kibra weso.

Cuida bo wesonan awe pa bo disfruta di mobilidad y independencia mañan!