KUERPO POLISIAL KÒRSOU 

KOMUNIKADO DI PRENSA

362/2026

21 òktober 2026 

Detenshon i entrada hudisial relashoná ku kaso atrako 

Kontinuando ku investigashon den un kaso di atrako ku a tuma lugá dia 18  di òktober 2026 na un minimarket riba Commandeursweg, polis a hasi  detenshon. 

Den oranan di djamars 20 di òktober 2026 durante di patruyahe, polis a  rekonosé e vehíkulo ku tabata envolví den e atrako ariba menshoná. Mesora a start un persiguishon i a logra para e vehíkulo. 

A hasi detenshon di e hòmber A.A.P.di 19 aña di edat i un dama A.B. di  17 aña di edat ámbos nasé na Kòrsou, relashoná ku e kaso di atrako aki. Alrededor di 22.23’or di e mesun fecha, a tene entrada hudisial na un kas  den Zuid Bonam. 

Durante di e entrada hudisial a haña i konfiská artíkulonan ku ta di  importansia pa e investigashon. 

A presentá e sospechosonan dilanti di un fiskal ouksiliar ku a ordená nan  enkarselamentu pendiente di mas investigashon.