KUERPO POLISIAL KÒRSOU 

KOMUNIKADO DI PRENSA

259/2026 18 ougùstùs 2026 

Detenshon relashoná ku kaso di tiramentu ku morto 

Kontinuando ku investigashon den un kaso di tiramentu ku morto ku a tuma  lugá dia 6 di yüli 2026, na plenchi di tráfiko Hubert “Yubi” Kirindongo, (komunikado di prensa 207/2026), polis a hasi un detenshon. 

Djamars 18 di ougùstùs 2026, alrededor di 01.15’or, polis a detené e hòmber  N.J.N. di 44 aña di edat nasé na Kòrsou, relashoná ku e kaso ariba menshoná. Su detenshon a tuma lugá den Saonaweg. 

Despues a tene un entrada hudisial na su kas den Guanaweg. 

A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.