Korps Politie Aruba KPA TA BALORA SU EMPLEADONAN A RECONOCE SR. ERIC GRESNIGT COMO EMPLEADO DI LUNA

Santa Cruz, ARUBA: Recientemente Alto Comisario di Polis, sr. Ramon Arnhem, a reconoce sr. Eric Gresnigt como empleado di luna. Esaki ta den cuadro di e vision di altocomisario Arnhem, cu e aña aki a introduci e proyecto en cuestion, pa sigui motiva y balora e personal di Cuerpo Policial Aruba (KPA).

A manda yama sr. Gresnigt, cu ta docente (IBT-er) na Scol di Polis, pa presenta na oficina di altocomisario Arnhem, caminda el a wordo sorprendi cu e bunita reconocimento di “Empleado di Luna”.

Na e ocasion aki tabata presente sra. Sherina Arrindell, cu ta Hefe di Scol di Polis, y tambe sra. Edwina Lake-Geerman docente na Scol di Polis.

Altocomisario Arnhem a hiba palabra y a gradici sr. Gresnigt pa su dedicacion, destacando cu e ta un ehempel no solamente pa e hobennan den formacion na Scol di Polis, tambe pa tur cu ta forma parti di Cuerpo Policial.

Cuerpo Policial Aruba ta manda palabra di felicitacion pa sr. Gresnigt, empleado di luna di aña 2026.