E bus lo ta presente di 8:30 pa 11:30 di mainta na:

• Diamars 20 di october: IMSAN
• Diaranson 21 di october: Centro di Bario Playa Pabao
• Diahuebs 22 di october: Centro Deportivo Santa Cruz
• Diabierna 23 di october: Stadion Frans Figaroa

Ken por acudi na e bus?

Vacunacion na e unidad mobiel ta unicamente pa:

• Personanan di 60 aña of mas, presentando nan carchi di AZV.
• Ciudadanonan bou di 60 aña cu un reseta di dokter pa vacunacion, presentando tanto e reseta como nan carchi di AZV. Pa e gruponan aki, e vacuna ta gratis.

Bo no por acudi na e bus?

Esaki no ta problema, por acudi tambe na Seccion di Malesanan Infeccioso di DVG, di 1:30 pa 3:30 di atardi. Corda trece bo carchi di AZV y, si ta aplica, bo receta di dokter.

Personanan cu no ta bin na remarca pa vacunacion gratis por cumpra e vacuna pa Afl. 20 na e seccion durante e mesun orario. Paga atencion cu no por cumpra vacuna na e bus.

Ciudadanonan inmobil riba cama por yama 522-4200 pa haci un cita pa vacunacion.

Influenza por causa complicacion serio, specialmente cerca personanan vulnerabel. DVG ta encurasha esnan cu ta bin na remarca pa vacuna y yuda proteha nan salud.

Tuma nota di e fechanan y bin cu bo documentonan necesario.