Komishon Sentral a deliberá tokante “Ontwerplandsverordening houdende vaststelling van nieuwe regels voor de luchtvaart”.

Djamars 20 di òktober 2026, Parlamento di Kòrsou a reuní den un Reunion di Komishon Sentral pa trata e úniko punto di agènda: “Ontwerplandsverordening houdende vaststelling van nieuwe regels voor de luchtvaart (Landsverordening luchtvaart) (Zittingsjaar 2025-2026-254)”.

Durante e reunion, miembronan di Parlamento a haña oportunidat pa hasi pregunta relashoná ku e proposishon di lei.

Despues di e úniko tanda di pregunta, Parlamento a bai di akuerdo pa manda un relato ku e preguntanan ku a wòrdu hasí pa Gobièrnu i ku e petishon pa risibí e kontestanan por eskrito.

Na final, Presidente di Parlamento, sr. Fergino Brownbill, a sera e reunion.