Detenshon i konfiskashon relashoná ku asesinato na Playa Jeremi 

KUERPO POLISIAL KÒRSOU 

 

KOMUNIKADO DI PRENSA

360/2026

21 òktober 2026 

Detenshon i konfiskashon relashoná ku asesinato na Playa Jeremi 

Kontinuando ku investigashon den e kaso di asesinato ku a tuma lugá dia  25 di sèptèmber 2026 na Playa Jeremi, (Komunikado di Prensa 323/2026), polis a hasi dos detenshon. 

Djárason 21 di òktober 2026, alrededor di 04.45’or, polis a tene un entrada  hudisial na un kas den Elmesstraat. 

Durante di e entrada hudisial a haña i konfiská un vehíkulo i artíkulonan ku  ta di importansia pa e investigashon. 

Na e sitio personal di Tim di Aresto a detené e hòmber R.W. di 34 aña di  edat nasé na Kòrsou, relashoná ku e kaso aki. 

Relashoná ku e mesun kaso aki, riba e mesun fecha alrededor di 13.10’or,  reshèrshinan enkargá ku investigashon den e kaso aki a tene entrada  hudisial na un adrès den Tebenkweg i a realisá sinku (5) detenshon. Ta trata di e hòmbernan R.V. di 19 aña di edat, S.K. di 18 aña di edat, L.Y.  di 19 aña di edat, Q.D. di 21 aña di edat i J.J. di 19 aña di edat, tur sinku  nasé na Kòrsou, 

Durante di e entrada hudisial a haña i konfiská un arma i munishon i otro  artíkulonan ku ta di importansia pa e investigashon. 

A presentá tur sospechosonan dilanti di un fiskal ouksiliar ku a ordená nan enkarselamentu pendiente di mas investigashon.