Komishon Sentral di Parlamento a deliberá enkuanto “procesbeschrijving HNO enquête” i Konsepto di presupuesto di Parlamento di Kòrsou pa aña 2024.
Parlamento di Kòrsou
Komishon Sentral di Parlamento a deliberá enkuanto “procesbeschrijving HNO enquête” i Konsepto di presupuesto di Parlamento di Kòrsou pa aña 2024.
Djaweps 8 di yüni 2023, Miembronan di Parlamento a bin huntu den un Komishon Sentral pa risibí un presentashon relashoná ku e deskripshon di proseso enkuesta HNO. Despues di e presentashon, miembronan di Parlamento a haña e oportunidat pa hasi pregunta, di kual nan a haña kontesta di parti di presidente di e komishon di enkuesta HNO sr. Eduard Braam i un komitiva di Deloitte. E reunion di Komishon Sentral a kontinuá ku punto 2, Konsepto di presupuesto di Parlamento di Kòrsou pa aña 2024. Despues di diferente pregunta di parti di miembronan di Parlamento, Presidente di Parlamento sra. Charetti America-Francisca skòrs e reunion pa algun minüt, siguí pa kontestanan di parti di Grefir di Parlamento, sr. Silvin Cijntje. Na final, Komishon Sentral di Parlamento a bai di akuerdo ku e Konsepto di presupuesto di Parlamento di Kòrsou pa aña 2024. Den reunion públiko lo ratifiká e konsepto aki pa e keda enkorporá den e proyekto di Lei di Presupuesto di Pais Kòrsou pa 2024.
