Arte pa hobenan di Seri Papaya

The Aart Lab Foundation ta un fundashon ku ta invoke riba arte i kultura. 
Arte ta importante pa desaroyo di i indentidat di un komunidat. Ku esaki den mira, Fundashon The Art Lab a duna un workshop ku tabata karga e nòmber di “Workshop Recycle Music” na e hóbennan di Ser’í Papaya.
Arte resiklá den kombinashon ku NLP. E workshop aki a wòrde duná dor di Arista Plástiko Omar Sling, huntu ku Sra. Gwen Inspires (NLPer) i Sra. Shanny Bitorina di sentro di bario Seri Papaya I Stichting DASH (Trahadora Sosial  Maatschapelijk Werker) . 
E meta di e workshop aki tabata pa por a duna e hóbennan di Ser’í Papaya e un ekperensia di Arte i Muzik. Kon pa por hasi kosnan leuk ku artefaktonan resiklá. 
Tambe nan a haña lèsnan di identidat, ken mi ta… kiko mi ta sinti. Tabata un manera pa siña e hóbennan e importansia di traha huntu den grupo. Den un manera “speelend”

E grupo di hóben aki di 12 pa 19 aña ta un grupo hopi speshal. 
Nan background i envirement tin hopi influensha riba nan komportashonnan. 
E hóbennan aki a haña un training kaminda nos a hasi weganan edukativo. Nos a traha instrumèntnan di bleki, skirbi nan propio kantika. E hóbennan a hasi speurtocht den Otrobanda pa por a mira diferente obranan di arte pa amplia nan konosementu. 
Tambe nos a hasi algun siman di ehersisionan titula “Kiko mi ta sinti” den forma di arte, mímika i trainingnan di NLP pa asina e hóbennan aki por a siña kon pa por buska paden di nan un mundu ku pa nan tabata nobo. E workshop a dura 6 luna.

I e hóbennan a train riba instrumènt nan ku nan mes a traha ku bleki i hèmber.
Nan a presenta den evento di mucha den siman di mucha ku pòtpori di kantikanan di mucha. 
Esaki tabata un bunita eksperensia pa mira e proseso di train, pero tambe e bunitesa di por presentá i hasi otro hendenan gosa i balia di nan músika I arte. 
Tambe nan a traha obranan di material resiklá. E hóbennan mes a hasi video art ku fotonan nan ku nan mes a hasi.

E workshop a wòrdu duna na Sentro di Bario Ser’í Papaya i tambe na Atelier Omar Sling. 
Parti di loke e hóbennan a traha i hasi por wòrdu mirá riba The Art Lab Foundation su sosial media pagina. 
Keda pendiente pa e big reveal. The Art Lab Foundation lo sigui hasi nos maximo pa sigui yuda e hobennan aki den nan kresementu. 
Pa hasi e workshop aki posibel The Art Lab foundation a haña yudansa di instansianan manera:
* Prins Bernard Cultuur Fonds
* Samen Werkende Fondsen
* Vertegenwoordiger van Nederland
* EWT
* Landhuis Bloemhof