Pronóstiko di tempu pa Kòrsou i bisindario bálido te djarason mainta 06:00 o.l., 14 di yüni 2023.

 

Pronóstiko

Pronóstiko di tempu pa Kòrsou i bisindario bálido te djarason mainta 06:00 o.l., 14 di yüni 2023.
Kompilá: djamars 13 di yüni 2023, 05:00 o.l. (09:00 UTC).

Tempu: Parsialmente te de bes enkuando hopi nublá ku chèns pa un áwaseru lokal prinsipalmente durante di mañan.

Temperatura máksimo lo alkansá 32ºC i temperatura mínimo 27ºC.
Solo ta sali 06:11 i ta baha 19:01 o.l.

Bientu: Generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). De bes en kuando fuerte den ráfaga; forsa 6 (40 te 50 km/ora, 22 te 27 nudo).

Situashon general: Durante di próksimo 24 ora, un ola tropikal ku ta move den un direkshon wèst lo drenta área di Karibe. Pa e motibu aki, kondishon atmosfériko ta bira gradualmente faborabel pa desaroyo di nubianan signifikante riba nos region. Prinsipalmente durante di oranan di mañan mainta, algun di e nubianan aki por generá un áwaseru lokal riba nos isla. Mas aleu, e fluho di bientu lo sigui moderá te basta fuerte durante di próksimo dianan.

Kondishon di laman: Moderá ku altura di olanan entre 1 i 2 meter (3 i 6 pia). E olanan di mas haltu ta riba laman habrí.

Sistemanan signifikante di wer tropikal: Ningun.

Fenómeno spesial: Ningun.

Perspektiva te djaweps mainta: Parsialmente nublá i generalmente seku.

Meteorólogo: Abraham.