SORTEO PA INISIO DI KAMPIONATONAN PROMÉ, SEGUNDO I TERSER DIVISHON 22-23!
SORTEO PA INISIO DI KAMPIONATONAN PROMÉ, SEGUNDO I TERSER DIVISHON 22-23!
Djamars anochi durante e kontinuashon di un reunion general pa e miembronan di FFK, a tuma lugá e sorteo pa e inisio di kampionato di promé, segundo i terser divishon.
Promé i segundo divishon ta konta ku un total di 10 ekipo miéntras terser divishon tin 12 ekipo ku lo partisipá. E aña aki manera e añanan anterior, promé i segundo divishon lo hunga 2 buèlta di kampionato regular kontra otro, abase di e numerashon ku nan a haña pa despues sigui ku e ‘playoff’ buèlta di 6 ku buèlta di 4 i e partido final. Terser divishon a wòrdu repartí den 2 pul, di kual e 6 ekiponan ku a klasifiká pa e buèlta di 6 aña pasá ta partí den e 2 pulnan. Esaki pa trese un balansa entre pulnan i asina evitá ku un pul ta bira muchu fuerte kompará ku e otro. E sobrá 6 ekiponan a bai den tómbola p’asina definí den kua pul nan ta bai. E divishon aki tambe ta hunga 2 buèlta di kampionato regular pa despues bai ‘playoff’ buèlta di 6 ku buèlta di 4 i kontinuá ku e final di e divishon aki.
Nos modelonan Caroline i Judriën tabata esnan enkargá ku e parti di skohe e numerashon di tur e ekiponan den e divishonnan i esakinan ta lo siguiente;
Promé Divishon;
- Jong Holland
- Centro Dominguito
- Centro Barber
- Jong Colombia
- Scherpenheuvel
- Inter Willemstad
- Sithoc
- Subt
- Undeba
- Atletiko Saliña
Segundo Divishon;
- Santa Rosa
- Mahuma
- Hubentut Fortuna
- UD Tera Kòrá
- New Song
- Indekor
- Atomic
- Fc Inter
- Vesta
- Victory Boys
Terser Divishon;
Pul A
- Inter Willemstad
- Haitian Union Club
- Buena Vista
- Stallions FC
- West Wolf united
- De Koning
Pul B
- New Song
- C-Stars United
- Curacao International United
- Wishi Marchena
- Jong Colombia
- Astros de Colombia
Promé divishon su apertura ta planiá pa tuma lugá dia promé di yüli, segundo divishon dia 3 di yüli miéntras terser divishon lo mira inisio dia 9 di yüli próksimo.
Keda pendiente pa e skemanan di promé, segundo i terser divishon ku pronto lo wòrdu publiká pa tur e fanatikada di futbòl ku ta kla pa bala kuminsá lora…bo tin bo ekipo faborito kaba?
15 yüni 2023