DIFERENTE PETISHON I APLIKASHON NA SERVISIO PA TRÁFIKO I TRANSPORTE (UOVV) AWOR ‘ONLINE’
MINISTERIO KONSERNÍ TRÁFIKO, TRANSPORTE I PLANIFIKASHON URBANO
DIFERENTE PETISHON I APLIKASHON NA SERVISIO PA TRÁFIKO I TRANSPORTE (UOVV) AWOR ‘ONLINE’
PUBLIKÁ RIBA 16 YÜNI 2023
Willemstad – Awor ta posibel pa entregá diferente petishon i aplikashon na Servisio pa Tráfiko i Transporte (UOVV) ‘online’. Esaki ta posibel via di e website http://www.trafikoitransporte.com.
E diferente petishon i aplikshonnan ku por hasi ta:
– Petishon pa karchi nobo i/òf renobashon di karchi pa shòfùr ousiliar di ABC
– Petishon eksonerashon pa faha di seguridat
– Petishon eksonerashon pa glas skur
– Petishon dispensashon ex. artíkulo 15
– Petishon pa dispensashon pa kore ku mucha di skol (via di OWCS)
– Petishon pa renobashon di pèrmit di ‘toerwagen’
– Petishon pa karta di petishon pa karta di bon kondukta
– Aplikashon pa bini na remarke pa un pèrmit nobo di bùs chiki òf mediano òf taksi
– Petishon pa renobashon di karchi pa shòfur ousiliar di ‘toerwagen’
– Aplikashon nobo pa un karchi pa shòfùr ousiliar di ‘toerwagen’
– Aplikashon nobo pa un karchi pa shòfùr ousiliar di bùs chikí, mediano, òf taksi
– Petishon pa renobashon di karchi pa shòfùr ousiliar di bùs chikí, mediano, òf taksi
– Petishon pa renobashon di pèrmit di bùs chikí, mediano, òf taksi
Tambe tin diferente chèklist ku e suidadano por tuma nota di dje, ku ta mará na kada aplikashon òf pèrmit. Di e forma aki, e persona ku ta hasi e petishon por sa kua dokumentonan tur e tin mester, e por buska e dokumentonan aki promé, i despues hasi e aplikashon kompletamente online.
Di e forma aki, UOVV ta sigui traha pa optimalisá su servisio na nos komunidat.
