A saka kurpa sin bida for di baranka na Playa Kanoa

Unidat di Brandweer, bou di guia i yudansa di helikopter di Wardakosta a logra saka un kurpa sin bida for di baranka na Playa Kanoa. Personal di Brandweer a logra di baha den baranka pa saka e kurpa sin bida i a hasi entrega di e kurpa na outoridatnan polisil. A base di e forma kon a haña e kurpa sin bida aki ku man i pia mara, ta hopi probabel ku ta trata di un kaso kriminal. Kontinuando ku e investigashon nesesario, outoridatnan en kuestion lo determiná si enberdat ta trata di un krimen