Detenshon pa maltrato.
KOMUNIKADO DI PRENSA 283/2023.
18 yüni 2023.
Detenshon pa maltrato.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Relashoná ku un kaso di maltrato ku a tuma lugá den oranan di anochi di djasabra 17 di yüni
2023 na un kas riba Caracasbaaiweg, polis a hasi un detenshon.
Djasabra 17 di yüni 2023 alrededor di 21.22’or Sentral di Polis a dirigí un unidat pa un kas
riba Caracasbaaiweg, na unda un hòmber a maltratá un dama i a menasá otro personanan
ku tabata na e kas en kestion.
Na yegada di e unidat, el a topa un dama ku sla rònt di su kurpa, miéntras e agresor ya a
bandoná e sítio.
Algun ratu despues, pa 23.11’or, e sospechoso, e hòmber D.J.G. di 22 aña di edat nase na
Kòrsou a mèldu na warda di polis di Rio Canario, na unda el a keda detené.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.

