Buska mas sabí: polis ta sigui pistanan geográfiko di kriminalnan / Slimmer speuren: politie volgt geografische sporen van criminelen
Buska mas sabí: polis ta sigui pistanan geográfiko di kriminalnan
Willemstad, 9 di mei 2025 – Krimen ta laga pista geográfiko atras. Es ku wak bon, por mira un patronchi. Entre 28 di aprel i 9 di mei último, a tuma luga na Kòrsou e entrenamentu intensivo Geographic Profiling Analyst (GPA), pa sigui entrená polis kon pa detektá e pistanan aki. E entrenamentu aki a keda organisá den kolaborashon entre Kuerpo Polisial di Kòrsou (KPC) i Kolegio di Hefenan di Polis di e kuater kuerponan den e parti Karibense den Reino. E entrenamentu di GPA aki a tuma lugá anteriormente na Sint Maarten i Aruba, i pronto lo ser duná na Boneiru.
Geographic Profiling ta un téknika di análisis spesialisá den área di geografia i análisis di krimen. Dor di analisá e lugánan kaminda delitunan a tuma luga, investigadónan por predesí unda e sospechosonan posibelmente ta, manera na nan kas, na trabou òf otro lugánan ku nan ta bishitá regularmente. Esaki ta duna polis e oportunidat pa yega mas lihé na e malhechornan deskonosí i tambe pa usa kapasidat investigativo di un forma mas dirigí.
Durante di e entrenamentu di GPA na Kòrsou, agentenan polisial a siña kon por uza análisis geográfiko pa hasi nan investigashonnan di krimen hopi mas dirigí. Ta trata di kombinamentu di informashon tokante di krimen ku datonan di sitio, pa por yega na puntonan di konekshon konkreto pa resolvé kasonan. E meta prinsipal ta pa logra avanse mas lihé den investigashon, pa medio di uzo mas stratégiko di e informashon. E téknika aki ta keda apliká riba diferente tipo di krimen manera kiebro, atrako, delitunan moral, insendio i uso di violensia, pero ta mas balioso ainda den kasonan kaminda un solo malhechor òf gruponan di malhechor ta kometé vários krimen.
Bert Adriaens, e eksperto renombrá den área di Geographic Profiling ku hopi aña di eksperiensia tantu den práktika komo den formashon di profesonalnan, a duna e entrenamentu. Adriaens no solamente ta un Geographic Profiler kalifiká, pero tambe un dosente apashoná ku por tradusí su konosementu profundo den aplikashon konkreto den trabou investigativo. E entrenamentu di GPA a kontribuí na un manera tangible na fortifikashon di e kapasidat investigativo i kombatimentu di krimen na Kòrsou i den region. Pa medio di formashon di agentenan polisial den análisis di patronchinan geográfiko, investigashon por duna resultado mas lihé i ta spar tempu balioso. Di e moda aki, e probabilidat pa kapturá malhechornan a bira mas grandi. Danki na e entrenamentu aki, Kòrsou a bira mas sigur – pero no pa esnan ku ta viola lei.
Slimmer speuren: politie volgt geografische sporen van criminelen
Willemstad, 9 mei 2025 – Misdrijven laten geografische sporen achter. Wie goed kijkt, ziet het patroon. Om politiemensen te leren hoe ze deze sporen kunnen ontdekken, vond van 28 april tot en met 9 mei 2025 op Curaçao een intensieve training Geographic Profiling Analyst (GPA) plaats. De training is georganiseerd in samenwerking tussen het Korps Politie Curaçao en het College van Korpschefs van de vier korpsen in het Caribisch deel van het Koninkrijk. De GPA-training werd eerder verzorgd op Sint Maarten en Aruba en zal binnenkort ook plaatsvinden op Bonaire.
Geographic Profiling is een specialistische analysetechniek die wordt ingezet binnen de geografie en criminaliteitsanalyse. Door locaties van gepleegde delicten te analyseren, kunnen onderzoekers voorspellen waar een verdachte zich vermoedelijk bevindt, zoals zijn thuisadres, werkplek of andere vaak bezochte locaties. Dit stelt de politie in staat om onbekende daders sneller in beeld te krijgen en recherchecapaciteit gerichter in te zetten.
Tijdens de GPA-training op Curaçao hebben politiemedewerkers geleerd hoe ze geografische analyse kunnen inzetten om opsporingsonderzoeken doelgerichter te maken. Het gaat om het combineren van informatie over misdrijven met locatiegegevens om tot concrete aanknopingspunten te komen voor het oplossen van misdrijven. Het uiteindelijke doel: sneller tot doorbraken komen in onderzoeken door slimmer gebruik te maken van informatie. De methode is toepasbaar op veel verschillende misdrijven zoals inbraken, overvallen, zedenmisdrijven, brandstichting en geweldsdelicten, maar is vooral van grote waarde bij reeksen misdrijven die worden gepleegd door dezelfde dader of dadergroep.
De training is verzorgd door Bert Adriaens, een gerenommeerde Geographic Profiling-expert met jarenlange ervaring in de praktijk en in het opleiden van professionals. Adriaens is niet alleen een gekwalificeerd Geographic Profiler, maar ook een gepassioneerd docent die zijn diepgaande kennis weet te vertalen naar concrete toepassingen in het opsporingswerk. Daarmee levert de GPA-training een tastbare bijdrage aan het versterken van de opsporing en criminaliteitsbestrijding op Curaçao en in de regio. Door politiemedewerkers te trainen in het analyseren van geografische patronen, kunnen onderzoeken sneller tot resultaat leiden en wordt kostbare tijd bespaard. Hiermee wordt de pakkans voor daders vergroot. Dankzij deze training is Curaçao veiliger geworden, maar niet voor mensen die de wet overtreden.