Alerta pa ku benta di artíkulonan na sítionan alehá.

KOMUNIKADO DI PRENSA 284/2023.
18 yüni 2023.
Alerta pa ku benta di artíkulonan na sítionan alehá.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Ultimo dianan i simannan polis ta konstatando diferente kaso, kaminda siudadanonan ku
trata na bende nan artíkulonan ku tersera, partikularmente telefòn, ta bira víktima di sea
ladronisia òf atrako.
E siudadanonan aki ta pone loke nan tin pa bende riba un òf otro media sosial i na
momentu ku un persona mustra interés den e artíkulo aki, e ta palabrá ku doño di e
propiedat un sítio i orario pa nan topa pa asina por hasi e interkambio di sèn i artíkulo.
Ta sosodé ku unabes e ‘kliente’ tuma e artíkulo ku den mayoría kaso ta telefòn pa wak, e ta
kore bai ku esaki, sin entregá e doño su sèn.
Of asina ku e doño saka e telefòn, e ‘kliente’ ta ranka e opheto for di su man i hui kuné.
E forma di operá aki algun tempu pasá ya tabata tuma lugá i polis a alertá i konsientisá
komunidat riba dje.
Awor e modus operandi aki a bolbe lanta kabes i ta bon pa bolbe hala atenshon di un i tur
riba e práktika maligno aki.
Un rekomendashon pa nunka bai hasi e interkambio bo so, ni den oranan di anochi ni na un
sítio alehá i trata mas tantu posibel pa e transferensha (pago) tuma lugá ‘on-line’.
