Aktividatnan di 23 juni i 25 juni 2023 di Fundashon Santana Katoliko Roodeweg I

Vários parokia katóliko na Kòrsou tin un santana. Esaki tambe ta e kaso ku santana katóliko Roodeweg .

Na luna di febrüari 1984 Sra. Lucila Engels – Boskaljon, Srta. Ostara Annie Clementina Adoptie, Sr. Cedric Eduardo Lucas Tramm, Sr. Edmundo Bonifacio Nicolaas, Rev. Pastor Sr. Johannes Jean Marie Boex i Sr. Stanley Anthony Lacroes a fundá Fundashon Santana katóliko Roodeweg.

Después di 39 aña hasiendo un tremendo trabou boluntario, manehando e santana i mantené esaki den un bon estado e direktiva bou di e mando di Ostara Annie Clementina Adoptie (presidente di e direktiva), Irine Mary Rojer, David Joseph Curiel, Edmundo Feliciano Jacobus i Violena Martinus ta tuma despedida di nan funshonanan.

 

Direktiva nobo,  ta konsisti di Sr. Emauro Scoop, Sr. Hubert Martha, Sra. Marianela de Lanoy, Sr. Rudsel Cork, Sr. Daniel Corsen i Rev. Pastor Sr. José Luis Dominguez Sandoval.

 

Djabièrnè dia 23 di yüni e direktiva saliente lo pasa e mando di e fundashon pa e direktiva nobo dor di entregá den un forma simbóliko e yabi di santana na e direktiva nobo. Esaki lo ta 5.30’or  di atardi dilanti santana na Roodeweg.

 

Djadumingu dia 25 di yüni lo tin un selebrashon eukaristiko, 6.00’or di atardi na misa di Santa Famia pa gradisí Dios pa e direktiva saliente su trabou i pidi Tata pa sigui kuida nan i pidi bendishon pa e direktiva nobo. Despues di misa lo tin oportunidat pa sosialisá i sera konosí ku e direktiva nobo.